LAOAG CITY –Inpakaammo ti lider ti Taiwan a ni Lai Ching-te a kumpyansa daytoy nga agablin a naun-uneg ti pannakitinnulong ti Taiwan iti sumaruno nga administrasion ni Donald Trump, maysa nga aldaw kalpasan ti pannakisaritana ken ni US Republican House Speaker Mike Johnson a nakapungtotan ti China.
Nupay awan ti pormal a diplomatiko a relasion ti Estados Unidos ken Taiwan, agtalinaed a kangrunaan a supporter ken supplier ti Washington ti armas idiay Taipei.
Segun ken ni Lai, patienna nga agtultuloy a makipaset ti dua a pagilian iti panagdur-as, panagrang-ay, ken para iti kinatalged ti rehion.
Kabayatanna, dagitoy a rakurak ti lider iti Taiwan ket paset ti panagregget na a mapapintas ken mapauneg ti relasion iti nagbaetan da iti baro nga administrasion ti Estados Unidos.
