LAOAG CITY – Inbatad ti United Nations Educational, Scientific and Cultural Organization a pinawilan ti Taliban ti agarup a 2.4M nga Afghan girls iti secondary education manipud idi nagun-odda ti panagturay idiay Afghanistan idi 2021.
Agsagsagana dagiti Taliban a mangmarka iti maikalima nga anibersario ti panagsublida iti turay, bayat a palawaen ti dadduma a nasion ti pannakibinnuligda iti gobierno.
Ti Afghanistan ti kakaisuna a pagilian a pormal a nangipawil kadagiti agtutubo a babbai iti sekondaria ken nangatngato nga edukasion.
Mapatta-patta a ti pannakaipawil kadagiti babbai a sekondaria ken nangatngato nga edukasion ket mabalin a pakaigapuan ti agarup 600,000 a babbai nga Afghan a pumanaw iti puersa ti panagtrabaho inton tawen 2066, no sadinno a mangiturong iti $9.6B ti mapukaw a panggedan ken mangpaadu iti risgo ti nasapa a panagasawa.
Saan a dagus a simmungbat ti Ministry of Education nga idadauloa dagiti Taliban iti kiddaw a komento.
