LAOAG CITY – Mapaserraan dagiti tallo a pasdek negosyo iti ili ti Solsona iti uneg ti dua a lawas kalpasan a naduktalan a dagiti mismo empleado ken dagiti customers ket naglabsing iti health protocols.
Partikular ditoy ti saan nga husto ti panagisuot ti facemask ken ti faceshield kasta pay ti social distacing.
Segun kenni Mayor Joseph De Lara, naduktalan daytoy babaen iti panagsursur ti Business Permit and Licencing Office (BPLO) ken PNP.
Gapo iti daytoy, pinaayaban ni De Lara dagiti agtagikua kadagiti tallo a pasdek negosyo ken pinagpalawag na dagitoy.
Inbatad na a makabulan kuma ti temporaryo a pannakarikep ti negosyo dagiti maseknan ngem immapela da ken pinatgan met ti mayor no sadinno a posible nga agpaot laeng ti dua a lawas.
Ummuna iti daytoy, adda ti pammilin ti mayor iti PNP ken dagiti amin nga establishimento a masapol a sumurot da kadagiti pagalagadan seknan iti covid-19 pandemic.
