LAOAG CITY – Inlawlawag ni Mr. Dioscoro Ruilo, residente iti Angeles City, Pampanga no kasano ti pannakaisadsad da iti baybay a paset ti Barangay Gabu ditoy ciudad ti Laoag.
Segun kenni Ruilo, naggapo da idiay Bolinao, Pangasinan ken nagaramid da ti bangka ken mapan da kuma agkalap idiay Quezon.
Nupay kasta, kunana nga idi addan da iti baybay a sakop ti ciudad ti Laoag ket pimmigsa ti angin isut gapo na a nagpaigid dagitoy.
Naamoan a bayat nga adda da iti baybay iti uneg ti tallo nga aldaw ket awan met ti napasamak kadakuada a madi agingga a nakita dagiti tattao iti Barangay Gabu ken tinulungan da dagitoy.
Mainaig iti daytoy, napalaos met ti panagyaman ni Ruilo nga awan ti madi a napasamak kadakuda ken tinulungan ida dagiti residente.
VC….RUILO…cue out…..tumabi kami
Kabayatanna, kalikagom ni Mr. Ruilo a mailako dagiti bangka da tapno adda ti paggatang da ti plywood ken makita nga isu met laeng ti aramiden da.
Immapela daytoy kadagiti mangayat a tumulong kadakuda tapno makaawid dan idiay Angeles City, Pampanga.
