LAOAG CITY – Kinumpirmaran ni Doctor Melvin Manuel, ti mangidadaulo iti Search and Rescue Team iti ciudad ti Laoag nga adda dagiti tallo a babbai a napan nagdidigus iti Fort Ilocandia a naalaw da kalpasan a nakita da dagitoy a malmalmes da.
Inbatad ni Manuel a maysa kadagiti tallo a naalaw da ti napakarwan ngem babaen ti tulong ken panangipakat da ti first aid ket nasalbar da met laeng amin ti biag dagiti maseknan.
Segun ken ni Manuel, dagiti nasao a biktima ket immay da laeng nagbakasyon ditoy probinsya ita a semana santa.
Binigbig na dagiti biktima a da Angelika Lodivico, Rechelle Lodivico ken ti agnagan ti Maica, agpapada a taga Tuguegarao City.
Inlawlawag ni Manuel a nairana a napan da nagronda iti fort ilocandia idi makita da dagiti tallo a biktima a malmalmes.
Inbata d na na nagasat dagiti biktima gapo ta adda ti dagos a nakakita kadakuada.
Innayon ni Manuel a dagiti biktima ket manarimaan a nakabakasyon ditoy probinsya tapno ngilinen ti Semana Sanata.
