LAOAG CITY – Natakawan ti 4 a baterya iti lugan ti maysa a talyer iti Brgy. 1 iti ili ti Sarrat.
Segun ken ni Mr. Zias Cario, akin kukua ti natakawan a talyer a naamoanna nga awanen ti baterya ti tartarimaanenna a lugan idi pagandarenna daytoy.
Innayonna nga adda ti maysa nga ubing a lalaki nga agpagna-pagna ken agsisiim kadagiti truck a nakaparking iti talyer no sadinno daytoy ti kitkitaenda a person of interest.
Mainaig iti daytoy, agbalor ti P28,000 dagiti 4 a baterya a natakaw ken daytoy ti immuna a gundaway a natakawan ti talyerna.
Kabayatanna, nagpalagip ni Cario kadagiti padana nga addan ti kastoy a negosio nga agannad tapnu maliklikan ti kapada nga insidente.
Iti agdama, mannarimaan pay laeng ti panag-reviewda iti CCTV footage tapnu mabigbig ti suspek.
