LAOAG CITY – Nairekord kadagiti sumagmamano a paset ti Bohol ken tallo a dadduma pay a lugar ti toxic red tide, basar iti Department of Agriculture-Bureau of Fisheries and Aquatic Resources (DA-BFAR).
Iti shellfish bulletin ti ahensia, nagpositibo iti paralytic shellfish poison wenno toxic red tide a limmabes iti regulatory limit dagiti lames manipud kadagiti coastal waters ti Dauis ken Tagbilaran City idiay Bohol; Dumanquillas Bay idiay Zamboanga del Sur; coastal waters ti San Benito idiay Surigao del Norte; ken Honda Bay idiay Puerto Princesa City, Palawan.
Nagballaag ti Bureau of Fisheries and Aquatic Resources iti publiko iti panangilako, panaggatang ken pannangan kadagiti shellfish a naala manipud kadagiti nadakamat a lugar.
