LAOAG CITY – Nagballaag ti toxic watchdog kadagiti content creators ken online sellers nga ikkaten iti online content-da dagiti advertisement ken dagiti listaan a mangitantandudo kadagiti maipawil a produkto a pampapintas ti kudil a naglaon ti narisgo a mercury.
Basar iti panangmonitor ti BAN Toxic iti online, nagraira dagiti iligal a produkto a pangpapudaw ti kudil ket agtultuloy a maitantandudo ken mailaklako iti online babaen kadagiti nagduduma a platform.
Naammoan a kaaduan kadagitoy a produkto ket naglaon ti narisgo a mercury a mangitunda ti nakaro a peggad iti salun-at dagiti gumatgatang.
Iti napalabas a tawen, gimmatang ti grupo ti 50 skin-whitening beauty products online ken na-screen dagiti ramit ti Vanta C Series XRF Handheld Chemical Analyzer.
