LAOAG CITY – Nagpila ti petisyon ti transport group PISTON iti Land Transportation Franchising and Regulatory Board (LTFRB) para iti P10 a nayun ti plete iti jeepney.
Gapu iti daytoy, umabot ton iti P23 ti base fare kadagiti jeepney manipod iti agdama P13 no maaprubaran ti kiddaw ti nasao a grupo.
Maipalagip nga inaprubaran ti Land Transportation Franchising and Regulatory Board ti P1 fare hike para iti traditional jeepneys iti kallabes.
Nupay kasta, inbilin ni Presidente Ferdinand Marcos Jr. a masuspenso ti implementasyon daytoy a rebbeng koma a nagbalin nga epektibo idi Marso 19 ita a tawen gapu ta saan a rumbeng a nayunan ti padagsen iti panagbiag dagiti commuters.
