LAOAG CITY – Kinumpirmaran ni Defense Secretary Lloyd Austin nga adda ti ebidensya ti Estados Unidos a dagiti tropa ti North Korea ket adda da idiay Russia.
Inpalgak ni Austin a nasken a duktalen da no ania ti pudno nga ar-aramiden dagiti tropa ti komunista a pagilian iti Russia.
Immunan a nagballaag ti Ukraine ken South Korea kalpasan a maipagarop a nagbiyahen dagiti tropa ti North Korea a nagturong iti Russia para iti panagsanay da sakbay ti plano a pannakaiwaras da tapno lumaban iti eastern Ukraine ken western Russia.
Inpetteng ni Austin a ti pannakaiwaras dagiti tropa ti North Korea iti Russia ket seryoso nga isyu a mangitunda ti dakkel nga impact, saan laeng nga iti Europa no di ket karaman iti Indo-Pacific.
