LAOAG CITY – Umabot iti 12 a milyon a pisos ti balor dagiti nadadael a mula a pagay ditoy probinsya gapu iti iduduprak ti bagyo Nando.
Daytoy ti inbatad ni Engr. Joselito De Vera, Division Manager ti National Irrigation Administration ditoy probinsya.
Segun ken ni de Vera, karaman kadagiti lugar a kangrunaan a naapektaran ti mula da a pagay ket iti ili ti Dingras, Vintar, Solsona, Bacarra ken dadduma pay.
Mangnamnama ni de Vera a dagiti dadduma a naapektaran a mula a pagay ket makarekobre da paylaeng.
Inpasigurado met ni de Vera nga awan ti nadadael iti biang ti imprastraktura kalpasan ti iduduprak ti bagyo Nando.
