LAOAG CITY – Umabot iti 26 dagiti benepisiario ti umuna a bansada ti “work readiness program” iti gobierno probinsyal.
Segun kenni Ms. Anne Marie Lizzete Atuan, ti mangidadaulo ti Public Employment Service Office (PESO), nangrugin dagitoy a naidestino kadagiti nagduduma a pangopisinaan ti gobierno probinsial .
Kunana nga agpaut ti panagtrabaho dagiti maseknan iti innem a bulan.
Inlawlawag ni Atuan a paset daytoy ti kalikagum ni Gob. Cecilia Arenata Marcos a maikkan ti gundaway dagiti nalalaing a nagturpos nga agad-adal ditoy probinsia a mangiyaplikar a dagus iti inadalda a saan a nasken nga umadayo da ditoy probinsia.
Innayon na nga apaman a malpas ti panagtrabaho dagiti benepisiario ti umuna a bansada ket mangala manen ti gobierno probinsial kadagiti sabali pay para iti maikadua a bansada ti nasao a programa.
Kabayatanna, kuna ni Atuan a napintas daytoy a trabaho gapo ta awan iti age requirement na.
