LAOAG CITY – Umaboten iti agarop walo a milyon a tattao ti nagpirma iti ‘Impeach Sara Duterte!’ campaign.
Naiyuswat ti public signature campaign tapno makaukkon ti suporta tapno sumango ni Vice President Sara Duterte iti impeachment proceedings.
Iti uneg laeng ti 24 nga oras sipud naiyuswat daytoy, umabot iti nasurok a maysa a milyon a tattao ti dagus a nagpirma.
Sakbay ti panagbotos idi Mayo 11 iti plenaryo ti Kamara de representantes, nakaukkonen ti kampanya ti nasurok a dua a ilyon a pirma.
Manipod Mayo 11 agingga iti Mayo 14, nanayunan daytoy ti agarop innem a milyon a pirma ken agtultuloy nga umad-ado iti kada minuto.
Iti babaen ti sistema nga us-usaren iti nasao a signature campaign, maala ti IP Address ken digital fingerprint dagiti nagpirma kas paset ti signature validation process no sadinno nga amin dagiti naukkon a pirma ket matingiting a naimbag.
Kabayatanna, kaadoan kadagiti nagpirma ket manipod iti Metro Manila nga umaboten iti 1.4 million, sumaruno ti Cvite nga addan ti nasurok a 755,000.
Nangato met ti bilang dagiti nagpirma manipod iti Cebu, Negros Occidental, Bulacan, Rizal, Laguna, Iloilo, Pangasinan, Leyte, Batangas, ken dadduma pay.
