LAOAG CITY – Post-pandemic rebound ken ti pannakapapigsa ti educational tourism ti pagilian ti nadakamat a rason ti panagadu ti bilang dagiti Chinese students iti Cagayan.
Segun kenni Bureau of Immigration Commissioner Norman Tansingco, posible a ti panagadu dagiti estudiante a Tsino ket mabalin a mainaig iti panagsubli kalpasan ti pandemic.
Innayon ni Tansingco, daytoy ket gapu met iti agresibo a panaglako dagiti pagadalan ken ahensia ti gobierno tapno mapapigsa ti educational tourism ti pagilian.
Kinunana nga aktibo ti gobierno a mangitantandudo iti pagilian kas sentro ti edukasion iti Asia.
Kabayatanna, daytot ti gapuna nga iti laksid dagiti rumrummuar a pakaseknan iti sektor ti seguridad, namnamaenna a saan a mapasardeng ti imbestigasion dagiti lehitimo a ganggannaet nga estudiante nga agtultuloy nga agadal iti Pilipinas.
