LAOAG CITY – Saan nga umanamong ti International Maritime Organization (IMO) ti United Nations iti gakat a panagsingir kadagiti barko a dumalyasat iti Strait of Hormuz kagiddan ti rakurak ni United States President Donald Trump a mangipataw isuna ti 20% a bayadan kadagiti kargamento a dumalyasat iti napateg a ruta iti baybay.
Segun iti pannakangiwat ti International Maritime Organization, awan ti legal a pagibasaran iti babaen ti international law tapno agsingir ti mandatory toll kadagiti barko a dumalyasat laeng iti maysa nga international strait.
Naammoan nga iyur-uray pay laeng ti ahensia ti nayon a detalye maipanggep iti plano ti administrasion Trump.
Nangipeksa ti panagdanag ti sumagmamano nga opisial ti shipping industry a nangibaga a posible a naglabsing iti international law ti nasao nga addang ken mangitunda ti baro a panagamak iti seguridad dagiti barko a dumaldalyasat iti Strait of Hormuz.
