LAOAG CITY – Inyanunsiyo ti United Kingdom a sinuspenso da ti panangipaay ti armas idiay Israel.
Segun ken ni United Kingdom Foreign Secretary David Lammy, 30 iti dagup a 350 arms export licenses ti sinuspenso da.
Ti nasao a desisyon ket kas panangliklik iti posibilidad a panangusar ti Israel kadagitoy nga armas para iti panangsalungasing iti karbengan dagiti tattao idiay.
Mainaig iti daytoy, nadismaya met ni Israeli Defence Minister Yoav Gallant iti nagbalin a desisyon ti United Kingdom.
Kunana a mabalin a gundawayan manen ti Hamas daytoy a desisyon.
