LAOAG CITY – Balligi ti naiyuswat nga Unity Walk idiay ciudad ti Batac nga idadaulwan ti City Health Office para iti sucide awareness nga adbokasiya ti nasao nga opisina.
Daytoy ti kinumpirmaran ni Police Chief Inspector Allan Emerson Dauz, ti chief of police ti PNP-Batac.
Segun kenni Dauz, naiget a seguridad ti inpaay da para kadagiti nakipagpaset iti nasao nga unity walk.
Naamoan a dagiti nakipagpaset iti unity walk ket nagbado da ti kolor violet a t-shirt.
Ti nasao nga aktibidad ket naiyuswat kalpasan dagiti nagsasaruno a panagpakamatay dagiti sumagmamano a residente iti nasao a ciudad.
Inbatad ni Dauz a kalpasan ti unity walk ket nagsursur ken nakikoordenar da kadagiti nagduduma a pagadalan tapno itandudu ti nasao nga adbokasiya da.
