LAOAG CITY – Saanen nga interesado ti biktima ti pammagkong idiay Brgy. 19 A iti ili a Bacarra a mangipila ti kaso kontra iti suspek.
Daytoy ti kinumpirmaran ni Police Major Rommel Ramos, hepe ti PNP-Bacarra.
Ummunan a nabigbig ti biktima a ni Michael Pablo, 24, naasawaan ken tubo idiay Marag Valley, Apayao idinto a ti suspek ket ni Julio dela Cruz, 44, baro, ken tubo iti Brgy. 3 Naguillian, Camiguin Island, Calayan, Cagayan.
Segun kenni Ramos, apaman a maawat wenno makita da ti medical certicate ni Pablo ket agdesisyon da no anya nga addang ti aramiden da mainaig iti daytoy.
Inbatad ni Ramos a ti rason ti pasamak ket gapo iti saan a nagkinnaawatan ni Pablo ken dela Cruz.
Naamoan a ni Pablo ket addan iti nasayaat a kondisyon.
First report – https://www.bomboradyo.com/laoag/construction-worker-binagkong-ti-pada-na-a-construction-worker-idiay-ili-ti-bacarra/
