LAOAG CITY – Inpasigurado ti Philippine National Police a saan da a baybay-an ti imbestigasyon ti napasamak a pammaltog iti maysa a karinderya iti Barangay 6 iti ili ti San Nicolas.
Daytoy ket iti baet a makumikum ti nailian a pulisya nga agim-imbestigar iti pannakapalto-paltog a poon ti nakatayan ni Barangay Chairman Francisco Bagay Jr. iti Barangay 5 iti metlaeng nasao nga ili.
Immunan nga inadmitir ti biktima nga adda ti nakariri na iti kallabes a daytoy ti mabalin a motibo iti napasamak a pammaltog.
Maipalagip a napaltugan ti namindua a daras ti luppo ti biktima idi Agosto 31 ita a tawen.
Napasamak ti pammaltog kabayatan nga agiplasplastar ti biktima nga aglukat iti karinderya idi kellaat nga immasideg ti suspek kagiddan ti panangpaltog na iti namindua a daras kenkuana.
Gapu iti daytoy, naitaray a dagus ti biktima iti Black Nazarene Hospital iti ili ti San Nicolas para iti naan-anay a pannakataming na.
