LAOAG CITY – Maipadalan ti swab test dagiti pahinante a kakadwa ti maika-34 a kaso ti covid-19 ditoy probinsya.
Immunan nga inbatad ni Provincial Health Officer Dr. Josephine Ruedas a dagus a na-isolate ni IN-C34 ken dagiti kakadwa na kabayatan a maiyur-uray ti panagpa-swab test da agingga a rumuar ti resulta na.
Maipalagip a karaman kadagiti sintomas a nagpasaran ni IN-C34 ket ti panaguyek, panateng, panaglammin ken saan a makaangot iti aniaman a banag.
Nupay kasta, inbaga ni Ruedas a ti saan a pannakaangot ti pasyente ket gagangay laeng no agpanateng.
Mangnamnama ni Ruedas a negatibo ti resulta ti swab test dagiti kakadwa ni IN-C34.
