LAOAG CITY – Agtultuloy ti imbestigasyon dagiti otoridad iti pammaltog a napasamak iti sango ti maysa a convenience store iti Brgy. 5 ditoy siudad ti Laoag.
Segun iti Philippine National Police ditoy siudad ti Laoag, adda ti uppat nga anggulo ti kitkitaenda iti napasamak nga insidente. Umuna ket mabalin nga adda ti pakainaiganna iti love triangle ken ti maysa ket gapu iti panagsugal wenno ti pallot.
Inbatad ti dagiti otoridad nga iti agdama ket limitado pay laeng ti impormasion nga adda kadakuada mainaig iti kinasiasino ti suspek ngem nupay kasta, ket addan ti person of interest dan.
Inpasigurado ti Philippine National Police a paigeten da ti imbestigasyon tapno mabigbig ken matiliw ti suspek iti nasao a nga insidente.
Maipalagip nga immunan nga inbutaktak ti Ilocos Norte Police Provincial Office (INPPO) a maysa kadagiti anggulo nga imbestigaranda ket adda ti pakanaiganna iti love triangle.
Kabayatanna, kadagiti sumarsaruno nga aldaw ket manamnama a matiliw ti suspek ti napasamak a pammaltog.
