LAOAG CITY – Uppat a mangisursuro ditoy Laoag City ti nagbalin a biktima iti maysa a peke a doktor a naglako ti sabon ken cream nga agas ti wrinkles ken dadduma pay a problema iti kudil.
Segun iti maysa a mangisur-suro a nabiktima ken saanen a nagpabigbig, nagturong iti pagadalan da ti nagpabigbig a Dr. Sara Briones nga aglang-lnga a respetado ken imbaga na a nagtrabaho kenni Dr. Vicky Belo ken addaan ti klinika iti maysa a mall iti ili ti San Nicolas.
Naammuan a nagturong ti suspek iti pagadalan ket nagibunong ti libre a sabon ken cream nga agas ti wrinkles ken dadduma pay a problema iti kudil.
Kuna ti mangisur-suro a kagiddan met ti panangiruar ti peke a doktor a kadua na ti maysa a bakla dagiti lako da beauty products nga agbalor ti rinib-ribo a pisos ket gimmatang met dagiti uppat a mangisursuro.
Naammuan laengen dagiti biktima a peke dagiti ginatang da a beauty products kalpasan nga in-search da iti internet.
