LAOAG CITY – Inbatad ni Bombo International News Correspondent Rene Ballenas manipud idiay New Jersey, United States of America a nagbalin a natalna ti United States Presidential Elections 2024.
Segun kenkuana, awan ti naireport nga aniaman a protesta iti eleksion no sadinno patienna nga inawat dagiti umili ti Estados Unidos ti nagbalin a resulta.
Inlawlawagna a nupay saan pay nga opisial a naideklara ti panagballigi ni Donald Trump, maaramid ti manamnama a maaiwyat tio official decleration manipud iti Senate ken House of Representatives iti umuna a lawas ti Enero inton sumaruno a tawen.
Innayon ni Ballenas nga adu ti plano ni Trump a mabalin a mangapektar iti sistema ti Amerika, agraman ti posibilidad a mabaliwan ti Konstitusion.
Nupay kasta, adda dagiti sangsanguen ni Trump a kaso ket saan a maapektaran ti panagtakem na kas Presidente ti Estados Unidos.
Kinunana pay ni Ballenas nga aniaman ti mapaspasamak iti America ket adda epektona iti sibubukel a lubong, pakairamanan ti Pilipinas.
Kabaytanna, nagpalagip daytoy a napateg nga ikararagan dagiti Pilipino ti baro nga administrasion, imbes a makapungtot wenno mapukaw ti namnama.
