LAOAG CITY – Inbatad ni Dr. Elizer Asuncion, ti mangidadaulo ti Laoag City General Hospital (LCGH) a naannayas ti naiyuswat a vacinne rollout iti nadakamat nga ospital.
Segun kenni Asuncion, umabot iti 60 nga health care workers ti nakaawat ti ummuna a dose ti bakuna kontra iti covid-19.
Inlawlawag na nga awan met ti nagbalin a problema manipud iti panangpagparehistro agingga a nalpas a nabakunaan dagiti healthcare workers.
Ti nasao nga ospital ket nakaawat ti 334 doses ti sinovac vaccine no sadinno a 176 a health care ti makaawat iti dua a doses.
Innayon na a ti maikadwa a dose ket awaten met laeng dagiti nagbakuna intono Abril 3.
Mainaig iti daytoy, adda met ti maysa nurse a nabakunaan a nakarikna ti miminal nga epekto daytoy no sadinno a daytoy ket addaan ti hypertension na ket naitaray iti emergency room iti nadakamat nga ospital.
Naamoan manipud kenni Asuncion a datin a managnerbyos ti nasao a nurse rason a kastoy ti nagbalin a sitwasyon na ngem kalpasan ti sumagmamano a minutos ket nasayaat met ti kondisyon na.
