LAOAG CITY – Naikkan ti citation ticket ti maysa a van a nakailuganan dagiti 11 a baboy kalpasan nga awan ti naipakitana a permit ken clearance a mangipalubos iti panangibiahena kadagiti baboy iti Brgy. Pasaleng iti ili ti Pagudpud.
Daytoy ket kas paset ti naiget a pannakaipatungpal ti Provincial Ordinance 091-2022 wenno ti Strengthening Rehabilitation Recovery and Repopulation of Hog Farms affected by African Swine Fever in the Province of Ilocos Norte.
Ti nangiturong ti van ket agtawen ti 26, naasawaan, driver, residente ti Brgy. Turod Sur, Cordon, Isabela kaduana dagiti tallo pay nga indibidual.
Naammoan a dagiti 11 a baboy ket innala dagiti pannakabagi ti Provincial Veterinary Office para iti naan-anay nga imbestigasion.
