LAOAG CITY – Kalikagom ni Vice Mayor Carlos Fariñas ditoy ciudad ti Laoag a maikkan ti pagmenna-mennaan dagiti sumagmamano a barangay officials iti Barangay Buttong a natiliw gapu ti panagay-ayam ti drop ball a maikonsiderar a sugal.
Inpaima ti bise mayor iti Committee on Laws kas lead committee ken ti Committee on Good Goverance kas nagbalin a suhestyun ni Konsehal Juan Konrado Respicio a makikoordinar iti disiplinary board nu nasken a mapilaan ti disiplinary action dagiti nadakamat nga opisyal ti barangay.
Nupay kasta, saan a karaman ni Konsehal Jason Perera iti panangtaming daytoy iti laksid nga isuna ti chairman ti Committee on Laws gapo ta daytoy ti mangirepresentar kadagiti Brgy. Officials a nagkamang kenkuana rason a ni Konsehal RJ Farinas ti mangidaulo iti nasao a komite.
Namunganay daytoy kalpasan, a nangeg ni ti bise mayor iti Bombo Radyo ti interview kenni Brgy. Chairman Jessie James Bonoan mainaig iti daytoy a banag.
Maipalagip a natiliw dagiti dua a a brgy. Kagawad ken lima a tanod iti Barangay Buttong gapu ti maipagarop a panagay-ayam da iti drop ball bayat ti selebrasyon ti fiesta da.
