LAOAG CITY – Naalarma ni Vice Mayor Rey Carlos Fariñas iti alisto a panagngato ti lebel ti danum kadagiti kalsada ditoy siudad ti Laoag gapu iti iduduprak ti Bagyo Kiyapo ditoy probinsia.
Segun kenkuana, nangipaayda ti maysa a resolusion ken ni Ilocos Norte 1st District Rep. Sandro Marcos para iti panangikagumaanna maipapan iti flood control project ditoy siudad ti Laoag.
Inbatadna nga agarup 620 milyon a pisos ti nailatang a pundo ti flood control project ditoy siudad ti Laoag.
Inlawlawagna a kalikagumna a makita dagiti lugar a nakaipatungpalan ti flood control project no nalayos wenno saan dagitoy.
Kunana a posible nga alisto ti panagngato ti lebel ti danum gapu kadagiti basura a nakasullat kadagiti kanal a makaabbeng iti panagayus ti danum manipud iti tudo.
Inpettengna a masapul ti disiplina ti tunggal residente maipanggep iti schedule ti panagkolektar ti basura tapno saan a maiwarang dagiti basura.
