LAOAG CITY – Inrekomendar ni Department of Public Works and Highways (DPWH) Secretary Vince Dizon ken ni hepe ti National Bureau of Investigation (NBI) Melvin Matibag a mangbirok iti sabali a mangtrabaho iti baro a pasdekda idiay Manila imbes nga ipaima iti Department of Public Works and Highways (DPWH).
Segun ken ni Dizon, saan nga adayo ti aramid ti DPWH iti pasdek ti Bureau of Immigration (BI) iti Diosdado Macapagal Boulevard iti Pasay City, isu a saan nga adayo a kapada met ti pasdek ti NBI iti Taft Avenue.
Kinunana a dandani sangapulo a tawen sakbay a malpas ti pasdek ti Bureau of Immigration (BI) iti Pasay City, ngem ti makapaupay iti daytoy ket ti nababa a disenio ti pasdek.
Immanamong ni Dizon iti rekomendasion ni Ombudsman Jesus Crispin Remulla a gumatang ti National Bureau of Investigation (NBI) iti baro a pasdek nga aramid ti pribado a sektor imbes nga ipaima iti Department of Public Works and Highways (DPWH) ti pannakaibangon daytoy.
