LAOAG CITY – Napinpintas ita dagiti vision ni Pres. Bong Bong Marcos Jr. ngem kadagiti napalabas a State of the Nation Address wenno SONA dagiti napalpalabas nga administrasyon.
Daytoy ti inbatad ni Atty. Domingo “EGON” Cayosa, former President ti Integrated Bar of the Philippines kalpasan ti maikatlo a SONA ni Pres. Marcos.
Segun ken ni Cayosa, ti panangited ni Marcos iti importansya kadagiti nagduduma a sektor kas iti agrikultura, medical, infrastructures, internet connectivity, agraman ti panangpatalged kadagiti benepisyo a maawat dagiti manursuro ken government employees; pakasaritaan seknan ti West Philippines sea ken opisyal a pannagpasardeng iti operasyon dagiti amin a Philippine Offshore Gaming Operations ket ibilang na a saan a managimbubukod gapu ta pinanunot ti Presidente ti pakabuklan.
Dinayaw na pay ti panangbigbig ni Marcos kadagiti Pantawid Pamilyang Pilipino Program beneficiaries a nag-top kadagiti board exams-da.
Ngem nu pay kasta, inpetteng ni Cayosa nga uray kasano ti kinapintas ti intensyon ni Marcos para iti pagilian no saan a maparmek ti korupsyon ken agtultuloy ti lack of accountability ken lack of transparency ket mabalin a naginnad a magun-od dagiti kalikagom na.
Kabayatanna, saan met a pasado para ken ni Mr. Genaro Dela Cruz – Spokesperson ti Ilocos Human Rights Alliance (IHRA) ti panggep ni Pres. Marcos iti sektor ti agrikultura.
Patien na a kurang daytoy gapu ta saanna pay a naan-anay a nakita ti problema dagiti amin a mannalon, ngem nu pay kasta, mangnamnama ni Dela Cruz iti naan-anay a pokus ni Marcos kadagiti problema a mapaspasaran dagiti mannalon iti panawen man ti La Niña wenno La Niño.
