LAOAG CITY – Inawagan ni Vice President Sara Duterte a ‘tuta” ti International Criminal Court (ICC) da Presidente Ferdinand Marcos Jr. ken ti dati a Senador a ni Antonio Trillanes IV.
Ti panangawagna a tuta ti International Criminal Court (ICC) dagiti dua ket kalpasan ti nagbalin a panaguummong dagiti supporters ni Duterte iti ruar ti ICC idiay the Hauge, Netherlands idi kalman, Hulio 29.
Naiwayat ti nasao a panaguummong ket bayat ti agtultuloy a panagdengngeg ti International Criminal Court (ICC) iti kaso a crimes against humanity kontra ken ni dati a Presidente Rodrigo Duterte.
Mainaig iti daytoy, kwinestionaran ni Duterte ti maipagarup panagbalin a patas ti nasao a korte nga inpettengna a maipagarup inaramatda daytoy kontra iti pamilyana.
Kinondenar pay ti bise ti nagbalin a kontribusion da Presidente Marcos ken Trillanes iti pannakaipila ti kaso ken panaka-arestar ti dati a Presidente.
Maipalagip nga ipetpetteng ti kampo ni dati a Presidente Rodrigo Duterte nga awan ti hurisdiksion ti International Criminal Court (ICC) iti Pilipinas kalpasan ti panagikkat ti Pilipinas iti Rome Statue idi tawen 2019.
Mainaig iti daytoy, inpanagetget ti nasao a korte a mabalinda nga usigen dagiti kaso a naipila mainaig kadagiti kaso a napasamaak idi miembro pay laeng ti Pilipinas ti Rome Statue .
