LAOAG CITY – Nagballaigi dagiti otoridad a nangtiliw iti maibilang a most wanted person a taga Barangay Pasungol Santa, Ilocos Sur.
Nabigbig ti akusado a ni Elmer Llabes y Hemorino, agtawen ti 42, naasawaan, truck driver, taga Paniqui, Tarlac ngem agdama nga agnanaed iti Barangay Pasungol Santa, Ilocos Sur.
Natiliw ti akusado iti paset ti Brgy. 1 ditoy siudad ti Laoag babaen ti bileg ti maysa a warrant of arrest a naiparuk-at idi Disyembre 20, 2009 gapou iti kaso na a panagrames.
Awan ti nairekomendar a pagpiyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti kustodyar ti Ilocos Norte Police Provincial Office ken manamnama a maidatag iti naggapwan ti warrant of arrest.
