LAOAG CITY – Naarestar ti maysa a wanted person iti Barangay 3, San lldefonso iti ili ti San Nicolas.
Segun ken ni P/Cpt. Sygman Benigno, Hepe ti San Nicolas Municipal Police Station, nabigbig ti suspek a ni Joel Abitong, agtawen ti 39, naasawaan ken residente ti Barangay 13, San Eugenio iti ili ti San Nicolas.
Inbatadna a natiliw ti suspek babaen ti bileg ti warrant of arrest gapu iti panaglabsingna iti Absence of Permit to Carry Outside of Residence wenno ti Republic Act No. 10591.
Kunana a nairekomendar nga agbayad ti 60 a ribu a pisos a piyansa ti suspek para iti temporario a pannakawayawayana a pinirmaan ni Judge Marty P Cachapero, Presiding Judge of Municipal Trial Court iti ili ti San Nicolas.
Iti agdama, nagtalinaed iti San Nicolas Municipal Police Station ti suspek.
