LAOAG CITY – Inlawlawag ti International Tennis Integrity Agency (ITIA) no apay a saanda a pinatawan ti pannakasuspenso ni World Number 1 Jannik Sinner kalpasan a nagpositibo daytoy iti maipawil a substance.
Basar iti International Tennis Integrity Agency a saanda a nakita nga adda ti panagkurang ti French tennis star iti baet a nagpositibo daytoy iti Clostebol maysa nga anabolic steroid.
Immuna a rimmuar iti resulta ket idi Marso 10 kalpasan ti Indian Wells tournament.
Kalpasan met ti walo nga aldaw ket naminsan manen a nagkolektarda ti samples ken rimmuar a positibo ngem iti nababa a level laeng daytoy ita.
Naalana ti panagpositibo iti babaen ti contamination iti agas ti physiotherapist-na.
Maagasan ti physio ni Sinner iti babaen ti over the counter spray iti kudilna para iti bassit a sugat.
Inlawlawagda a kalpasan ti pannakairuar ti test ket pinatawanda daytoy ti automatic provisional suspension ngem immapela ni Sinner ken naammirisda a naakaran wenno contaminate laeng daytoy manipud iti fitness trainer-na isu nga intultuloyna ti panagay-ayam.
Inpasigurado ni Sinner a sumurot daytoy kadagiti naiget a pammilin iti tennis community.
Naammoan a ni Sinner ket nangabak ti lima a titulo ita a season no sadinno idi Enero ket nagkampeon daytoy iti Australian Open ken idi Hunio ket ngimmato ti ranking-na iti number 1.
