LAOAG CITY – Inakusaran ni Ukrainian President Volodymyr Zelensky nga agus-usar ti Russia kadagiti missiles manipud iti North Korea.
Kunana a daytoy ket inyarigna iti napasamak nga airstrike ti Russia iti Zaporizhzhia Ukraine no sadinno nga adda ti 6 nga indibidual ti pimmusay ken 19 ti nasugatan.
Inbatad ni Ukraine President a daytoy ti umuna a gundaway a nagusar ti Russia ti missiles manipud iti North Korea.
Kunana a saan a kabaelan ti Russia ti umatake nga awan ti tulong manipud iti sabali a pagilian.
Segun kenkuana, mangipakita laeng daytoy ti kinakapuy ti Russia gapu iti panagusarda kadagiti missiles manipud iti North Korea.
Nupay kasta, impasigurado ti Ukraine a bumales daytoy iti nakaro a panagatake ti Russia.
Immunan iti daytoy, inakusaran ni Zelensky ti Russia nga adda ti sumurok 50,000 a tropa ti North Korea ti timmulong para iti giyera kontra iti Ukriane.
