LAOAG CITY – Kiniddaw ti Ukrainian President Volodymyr Zelensky ti face-to-face meeting kaduana ni Russian President Vladimir Putin tapno malpasen ti gubat.
Iti maysa a surat para ken ni Putin, dinakamat ni Zelensky a saan a mabalin nga agur-uray lattan agingga a ti gubat iti Europa ket agbalin a pokus manen ti Estados Unidos.
Inlawlawagna a ti kappia ket aggapu mismo iti nagbaetan ti Ukraine ken Russia.
Nagpanawagan ni Zelensky para iti full ceasefire para iti naan-anay a panagngudo ti gubat iti dua a pagilian.
Mainaig iti daytoy, inrakurak ni United States President Donald Trump a nasaysayaat no agkita a personal ti dua a lider tapno mapagnunumoan dagiti banag a nasken a maipatungpal.
Kabayatanna, kinumpirmaran ti Kremlin a naawatdan ti surat ken manamnama a maipakaammo ken ni Putin maipanggep iti daytoy.
