LAOAG CITY – Umabot iti 10 a tattao ti nasugatan ken naitaray iti ospital kalpasan ti napasamak a pammagkong iti maysa a tren nga agbibiyahe iti Cambridgeshire idiay London.
Basar kadagiti otoridad, adda met ti dua nga indibidual a naarestar kalpasan ti insidente.
Indeklarar dagiti otoridad ti napasamak kas “major incident” ken kinumpirmaran da a dagiti counter-terrorism officers ket suportaran da ti imbestigasyon.
Mainaig iti daytoy, kinumpirmaran pay dagiti otoridad a siyam kadagiti nasugatan ket kritikal ti kondisyon da iti ospital.
Kabayatanna, inbatad ni Prime Minister Keir Starmer a ti “appalling incident” iti Cambridgeshire ket seryoso a pakaseknan da isut gapuna a ginutigot na dagiti umili a suruten ti balakad dagiti otoridad.
