LAOAG CITY – Inrakurak ni P/Maj. Divina Albino, pannakangiwat ti Philippine National Police – Region 1 nga adda ti 13 a firecrackers related injuries and incidents a nairekord iti rehion uno kabayatan iti panangsarabo ti baro a tawen.
Segun kenkuana, kadagupan iti nasao a bilang ket kaaduan ditoy ket manipud idiay Ilocos Sur nga addaan ti 9 a firecrackers related injuries and incidents idinto nga 4 met iti Pangasinan.
Inbatadna nga adda ti sumurok 300 a nakumpiskar nga iligal a paputok iti intero a rehion uno no sadinno 135 ditoy ket manipud idiay La Union idinto a 104 idiay Ilocos Sur.
Inlawlawagna nga adda met ti maysa a nairekord nga indiscriminate firing idiay Ilocos Sur idi Disiembre 16 kalpasan a nagpaputok ti paltog ti maysa nga indibidual gapu iti kinabartekna.
Nupay kasta, kunana nga awan met ti naipadamag a nadangran gapu iti nasao nga insidente.
Kabayatanna, adda ti idiaya ti Ilocos Norte 1st District Congressional Office a fireworks display a mabalin a maimatangan iti Laoag City bypass road iti panangsarabo ti baro a tawen.
