LAOAG CITY – Dumanon iti 14 a Palestinians ti napatay dagiti Israeli forces iti napasamak a panangraut West Bank idi Sabado, bayat a maysa a driver ti ambulansia ti napatay kabayatan a mapmapan kadagiti nasugatan manipod iti maysa pay a nagsina a panangraut.
Rinugian ti Israeli forces ti panangraut idi Biernes iti lugar ti Nur Shams nga asideg iti flashpoint ti Palestinian a siudad ti Tulkarm.
Naka-deploy met dagiti militar ti Israel ken nangiparuk-at kadagiti putok ti paltog bayat a saan a bumaba iti tallo a drone ti nakita iti tangatang ti Nur Shams, maysa a lugar a pagnanaedan dagiti refugee.
Ti Tulkarm Brigades a nangisayangkat ti puersa manipod iti adu a paksion ti Palestinian a nangibaga a dagiti nakirinnupak ket nakisinnukat ti putok kadagiti puersa ti Israel idi Sabado.
Ti West Bank a maysa a lugar a sukog bato a nasurok-kumurang a 100 a kilometro wenno 60 a milya ti kaatiddog ken 50 a kilometro ti kalawana a nagbalin a sentro ti nagbaetan ti Israeli-Palestinian sipod idi maagaw daytoy ti Israel idi 1967 Middle East war.
Rinibu a Palestinian ti inarestar ken ginasut ti napatay kadagiti regular nga operasion ti grupo ken pulisia ti Israel sipod idi nangrugi ti rinnupak iti Gaza, kaadduan kadagiti miembro dagiti armado a grupo ngem pakairamanan dagiti agtutubo nga agipurpurwak ti bato ken dagiti saan a karaman a sibilian.
Kabayatanna, kinumpirmaran met ti Israeli military a mangisaysayagkat ti panangraut dagiti puersada iti central Gaza no sadino makirinrinnupak dagitoy iti babaen ti close quarter combat kontra kadagiti Palestinian fighters.
Iti panangraut ti Israel iti Gaza ket dumanon iti 37 a Palestinians ti maipagarup a pimmusay bayat nga 68 ti nasugatan iti napalabas a 24 nga oras.
