LAOAG CITY – Umabot iti 15 a tattao ti natay iti napasamak nga engkwentro iti nagbaetan dagiti demonstrador ken security forces iti Pakistan-administered Kashmir.
Immuna iti daytoy, nagpaawag ti Joint Awami Action Committee (JAAC), iti grupo dagiti aktibista tapno agpanawagan iti panangiwayat da ti tignay-protesta kontra iti reservation ti dakkel a bilang ti legislative seats para kadagiti refugees a saan nga agnaed iti teritoryo da sakbay ti eleksyon.
Iti panagresponde dagiti otoridad ket inakusaran da ti grupo iti sedition ken violence, ken nangidiaya da pay ti gunguna para iti pannakaarestar dagiti lider da.
Nupay kasta, saan a nanglapped kadagiti rinibo a tattao manipod iti panag-martsa da a nagturong iti regional capital Muzaffarabad, a nangitunda ti nadara a tignay-protesta.
Naamoan a karaman kadagiti natay ket ti 11 a sibilyan ken uppat a security officers.
