LAOAG CITY – Balligi a naparuk-atan iti baybay iti Panglao Island, Bohol ti 162 a baro a pawikan wenno green sea turtle.
Basar iti Department of Environment and Natural Resources (DENR) Central Visayas, dagiti pawikan ken manipud ti 192 itlog a nailatag itti baybay ti Alona Beach, Barangay Tawala idi Mayo. Kalpasan ti 49 nga aldaw ti pannaka-monitor, 161 nga itlog ti nagpissa ken natalged a naparuk-atan iti baybay.
Inbatad ti Department of Environment and Natural Resources (DENR) a manipud idi nasarakn aytoy ket agtultuloy ti pannaka-monitorna iti tulong ti Philippine Coast Guard, Local Government Unit (LGU) Panglao, Barangay Tawala, Alona by JPark Island Resort, Department of Environment and Natural Resources (DENR) Bohol, ken nagduduma pay nga ahensia.
Segun iti ahensia, maipakita ti balligi a pannakaiparuk-at dagiti pawikan ti napateg a panagtitinnulong ken agtultuloy a pannakasalwad iti baybay.
