LAOAG CITY – Pormalen a nangrugi ita nga aldaw ti Domingo, Setiembre 8 ti 2024 Bar Examinations.
Intulod dagiti pamilia ken pagayam dagiti aspiring lawyers ti maysa kadagiti testing centers idiay Quezon City ken Manila.
Naammoan a dagiti aspiring lawyers ket adda ti bukudda a a supporters no sadinno nga iggemda dagiti tarpaulins ken dagiti balloons.
Basar iti Supreme Court, dumanon iti 12,246 applications para iti 2024 Bar Examinations ti naawatda.
Ti eksaminasion ket nakaiskedyul iti Setiembe 8, 11 ken 15.
Maibasar iti monitoring ti Korte Suprema a nasapa pay laeng ita nga aldaw ket nangrugin nga agsangpet dagiti bar examinees kadagiti local testing centers iti National Capital Region.
Kuna ti Supreme Court nga adda ti 13 a local testing centers iti intero a pagilian para iti bar examination.
Kabayatanna, idiay Metro Manila, sumagmamano a kalsada ti napaserraan gapu iti maiyus-uswat nga eksaminasion.
