LAOAG CITY – Natiliw dagiti uppat a lallaki gapu iti panagsusugal da iti pagtaengan ti maysa a tricycle driver iti Brgy. 30 Cadaratan iti ili ti Bacarra.
Dagiti suspek ket agtawen ti 38, agtawen ti 48 a jeepney driver, agtawen ti 41 a tricycle driver ken agtawen ti 33 a lalaki nga agpapada a residente iti nasao a barangay.
Nakumpiskar dagiti otoridad ti maysa a set iti baraha, agdagup iti 700 a pisos a pusta nga addaan iti nagduduma a denominasyon, tallo a tugaw ken ti lamisaan a nausar.
Segun ti PNP Bacarra, sumango dagiti maseknan iti panagsalungasing iti PD 1602 wenno Illegal Gambling law, saan a panagsuot iti face mask ken panaglabsing iti liqour ban.
