LAOAG CITY – Inrakurak ti Department of Agriculture-Bureau of Fisheries and Aquatic Resources nga adda ti uppat a lugar ti naduktalanda a tinamaan ti toxic red tide.
Naammoan a dagiti nasao a lugar ket dagiti sumaganad: Matarinao Bay idiay Eastern Samar; Dumanquillas Bay idiay Zamboanga del Sur; ken coastal waters ti San Benito idiay Surigao del Norte.
Basar iti inruar a bulletin ti Bureau of Fisheries and Aquatic Resources idi Mayo 3, 2024 dagiti maala a shellfish kadagiti nadakamat a lugar ket positibo iti Paralytic Shellfish Poison wenn toxic red tide.
Nupay kasta, inbatad ti ahensia a natalged latta a mangan ti ikan, pusit, udang ken kappe agingga a dagitoy ket kaal-ala pay laeng.
Nasken laeng nga ugasan dagitoy a naimbag ken ti pang-uneg nga organo kas ti hasang ken bituka ket ikkaten sakbay a lutuen.
