LAOAG CITY – Umabot iti uppat a tattao ti natay idinto a dinosdosena a sabsabali dagiti nasugatan iti mass shooting iti Birmingham, Alabama.
Basar ken ni Birmingham police officer Truman Fitzgerald, bigla lattan a pinaltu-paltugan dagiti armado a lallaki ti grupo dagiti tattao.
Naamoan a tallo kadagiti biktima ket pimmusay da a dagus idinto a ti maysa ket natay bayat a maag-agasan iti ospital.
Agpanpan ita ket saan pay a masinunuo ti motibo iti insidente ken agtultuloy ti imbestigasyon dagiti otoridad para iti pakabigbigan dagiti suspek.
