LAOAG CITY – Natiliw dagiti uppat nga indibidual gapu iti illegal a panagsusugal da iti Barangay Sulquiano iti ili ti Dingras.
Segun ken ni Police Major Normal Pentang, ti chief of police iti ili ti Dingras, dagiti suspek ket agtawen ti 64, 24, 60, ken 40, agpapada amin dagitoy a residente iti nadakamat a barangay.
Naamoan a naaktwan a mismo dagiti otoridad ti panagay-ayam dagiti suspek ti rakatak.
Nakumpiskar pay dagiti otoridad iti lugar ti baraha, tugaw, lamisaan ken ti 860 a pisos a maipagarop a pusta dagiti suspek.
Inpakaammo ni Pentang a napilaanen dagiti suspek ti kaso a panaglabsing iti Presidential Decree 1602 wenno illegal a panagsusugal.
Iti agdama, nagtalinaed dagiti suspek iti kustodyar ti Philippine National Police iti ili ti Dingras.
