LAOAG CITY – Umabot iti nasurok 50 nga indibidual ti naestablisar ti Philippine National Police (PNP) iti ili ti Piddig a nakapulapol ni IN-C93, agtawen ti 36 a lalaki ken taga Barangay Calluza ti nasao nga ili.
Daytoy ket basar kenni Police Capt. Kristoffer Ramos, ti chief of police iti ili ti Piddig.
Inbaga na nga iti insayangkat da contact tracing ket naamoan da a manipod iti nasao a bilang ket 17 ditoy ti maibilang nga high risk contact adda met ti 36 a Low risk contact.
Innayon na a naestablisar da pay nga adda ti nakapulapol ni IN-C-93 manipod iti sabali a probinsya.
Kunana a manamnama a dumalan ti swab test dagiti amin a nakapulapol ni IN-C93.
Kinumpirmaran met ni Ramos a saan a kameng ti PNP-Piddig ti kaudian a nagpositibo ti covid-19 ditoy probonsya a ni IN-C100 a taga Brgy Estancia iti ili ti Piddig.
Agtultuloy met ti imbestigasyon da tapno maamoan dagiti nakapulapol ni IN-C100.
