LAOAG CITY – Nagundawayan ti Social Security System (SSS) ditoy ciudad ti Laoag babaen iti maysa a babai kalpasan iti panagpammarang na a kabagyan ti maysa natay ditoy cuidad ti Laoag.
Segun kenni Mr. Richard Raralio, branch manager ti nasao nga ahensya, ti babai ket nakaawat ti 20 ribo a pisos kalpasan nga inproseso na ti panangala iti funeral assistance manipud iti nasao nga opisina babaen iti panangusar na iti website ti ahensya.
inlawlawag ni Raralio a naipakita ti babai dagiti amin a requirement kas iti death certificate rason a napatgan ti claim daytoy.
Nupay kasta, kuna ni Raralio nga apaman nga adda manen napan iti opisina da a mangibagbaga a kabagyan ti pimmusay ken mangala iti funeral assistance ket nasdaaw rason a binirok da ti babai nga immunan a nagaplikar.
Naamwan a ti nasao a babae a nangluko iti SSS ditoy cuidad ket karruba laeng ti nagminatay.
Ummuna iti daytoy, kuna ni Raralio a saan da a dinawat ti ID ti babai a nangluko kadakuada gapo ta funeral assistance daytoy ket kayat da a maaprubaran a dagus.
Mainaig iti daytoy, kuna ni Raralio a kalpasan a kinasarita da ti maseknan ket nagkari nga isubli na ti nasao a kantidad.
