LAOAG CITY – Kinumpirmaran ni Police Captain Eddie Suyat, ti chief of police ti PNP-Paoay a nagpakamatay ti maysa a lalaki iti nasao nga ili.
Segun kenni Suyat, maysa kadagiti kitkitaen da a rason ti nagpakamatayan na ket ti pannakaipila ti kaso kontra kenkuana mainaig iti panagrames.
Inlawlawag na a dumawdawat ti financial assistance ti pamilya ti babai a rinames na kalpasan a nagsikog ken nagpasngay ken daytoy ti maipagarop ken mabalin a saan nan a nakabaelan nga isu makitkita da a rason ti nagpakamatayan ti lalaki.
Malaksid iti daytoy, kuna ni Suyat a mabalin pay a ti rason ket ti depresyon gapo iti nasao met laeng a kaso.
Inbatad na nga agarop 600 a metro ti kaadayo na manipud iti pagtaengan ti lalaki ti nagpakamatayan na.
