LAOAG CITY – Nabara a sinarabo dagiti opisyal ken empleado iti gobierno lokal ditoy ciudad ti Laoag iti panangidaulo ni Mayor Michael Marcos-Keon ni Ambassador of Japan to the Philippines Kazuhiko Koshikawa.
Immuna a nag-courtesy call ni Koshikawa iti opisina ti mayor kalpasan na ket binisita na ti opisina ni Mrs. Ana Carmela Remigio iti City Tourism Office.
Iti ibibisita ni Koshikawa iti Laoag City Hall ket kinumusta na ti sitwasyon ditoy ciudad ti Laoag.
Nagturong ni Koshikawa ditoy probinsya tapno atendaran na ti pannakainanugar ti Irrigation Project ti Japanese Agency for International Cooperative.
