LAOAG CITY – Inlawlawag ni Ms. Marilyn Yere, ti Senior Science Research Specialist Agronomy, Soils and Plant Physiology Division iti Department of Agriculture Central Experiment Station ti maipanggep ti programa da nga “Abonong Swak: Swak sa Badyet, Swak sa Palay”.
Inbatad na a ti Abonong Swak ket maysa a programa ti gobierno kangrunaan na ti Departmet of Agriculture tapno bumassit dagiti agus-usar ti inorganic fertilizer wenno commercial fertilizer.
Kuna a combo swak ti tawag da iti organic fertilizer ken ti inorganic fertilizer no sadinno nga inbalakad ni Yere a masapol nga agsublin iti panagusar ti organic nga abono.
Karaman kadagiti maibilang nga organic nga abono ket ti process chicken manure, vermin compose wenno ti naparupsa a garami.
Inpasingked ni Yere a maipangato ti apit dagiti mannalon no nasapsapa da nga iyaplikar iti taltalon ti organic fertilizer.
Innayonna a masapol a maysa a bolan sakbay nga agraep ket naiyaplikaren iti taltalon ti organic fertilizer.
